Телехикая Гули есімді жетім қыздың өмірі туралы. Ол туыс тәтесі мен ағасының үйінде тұрады. Ағасы Гулиге үнемі қолдау білдіріп жүрсе, тәтесі керісінше оны жек көреді. Сондықтан жасаған жұмысының бәрін жақтырмайды. Жетім қыз тұратын үйде Раши есімді жиені де бар. Ол өте ақылды әрі қу. Оқиға желісі бойынша байлықты жақсы көретін Гулидің тәтесі өз қызы Рашиді бай жігітке бермек болады. Бірақ құда түсуге келгендер Гулиді ұнатады. Сөйтіп оны ұлы Ахемға күштеп қосады. Ал Раши сол отбасының ағайыны Джигарға тұрмысқа шығады. Анасының қалауы бойынша Гулиге үйленген Ахем жарын жек көреді, әрі өзі басқа қызға ғашық болатын. Күйеуінің жек көрушілік сезіміне және басқа да отбасындағы әділетсіздікке шыдамаған басты кейіпкер қыз үйден кетпекші болады. Раши мен оның анасы да қыздың өмірін қалайда құрдымға кетіру үшін барын салады.