Аралқұм (жайлау)
Аралқұм – Қызылорда облысы Арал ауданы жеріндегі жайлау. Арал қаласынан шығысқа қарай 40 км жерде орналасқан, аумағы 5836 га, оның 4923 га-сы қырдың жайылымы. Жерінің климаты өте қатаң. Ауаның температурасы 10°С-тан жоғары болатын кезең 175 – 195 күн. Шілде айының орташа темп-расы 25 – 27°С, қаңтарда –9 – 13°С, жауын-шашынның жылдық орташа мөлш. 115 – 130 мм. Геоморфологиялық тұрғыдан Арал өңіріндегі Қарақұм алабына кіреді. Мұндағы өсімдік жамылғысы үш топқа бөлінеді: бұталы, бұта аралас және еркек шөп, жусан, қамыссүйек, жүзгін. Аралқұм аймағындағы бұйрат және жалы бұйратты құмдарына тән шөл өсімдіктері (қара сексеуіл аралас жүзгін, баялыш, жусан) мен эфемерлер өседі. Аралқұм жерінен темір жол бекеті және автомобиль магистралы өтеді.Аралқұм ауылдық округі – Арал ауданындағы әкімшілік бірлік. Құрамына Аралқұм, Мойнақ ауылдары және Шөміш темір жол станциясы кіреді. Тұрғыны 1,6 мың адам. Орталығы – Аралқұм ауылы!!!